Tanymal jýrnalıst Gennadıı Bendıtskıı qaıtys boldy
ASTANA. QazAqparat - Belgili qazaqstandyq jýrnalıst Gennadıı Bendıtskıı qaıtys boldy, dep habarlaıdy QazAqparat.
«Gena Bendıtskıı baqılyq boldy. Áriptesimiz búgin tańerteń, ózi týǵan kúninde kóz jumdy. Ol 47 jasqa endi ǵana tolǵan edi», - dep jazdy jýrnalıst Vadım Boreıko óziniń Feısbýktegi paraqshasynda.
Gennadıı Bendıtskıı 1970 jylǵy 3 jeltoqsanda dúnıege keldi. Ál-Farabı atyndaǵy Qazaq memlekettik ýnıversıtetiniń jýrnalıstıka fakýltetin bitirdi. «Karavan», «Vremıa» gazetterinde, «KTK», «31-arna» telearnalarynda, sońǵy jyldary Ratel.kz portalynda eńbek etti.
