Tanymal vaıner, akter Meıirjan Tórebaev praımerızge qatysýǵa ótinish berdi

ALMATY. QazAqparat – «Nur Otan» partııasynyń praımerızine 10 myńnan astam qazaqstandyq qatysýǵa ótinish berdi. Solardyń biri tanymal akter Meıirjan Tórebaev, dep habarlaıdy QazAqparat tilshisi.

«Alǵashqy qadam jasaı otyryp, praımerızge tirkeldim. Aldaǵy ýaqytta elimizdi áleýmettik jaǵynan ǵana emes, mádenı jaǵynan da damytýǵa óz úlesimdi qosqym keledi. Barshańyzǵa sáttilik pen jetistikter tileı otyryp, partııaishilik saılaý jaqsy ótip, oılaǵan armandaryńyzǵa jete berińizder degim keledi», - dep atap ótti Meıirjan Tórebaev óziniń Instagram -daǵy paraqshasynda.