Tanymal túrik jazýshysy ıAshar Kemal dúnıeden ótti

ASTANA. QazAqparat - Senbi kúni Ystambulda 93 jasqa qaraǵan shaǵynda belgili túrik jazýshysy jáne qoǵam qaıratkeri ıAshar Kemal (shyn aty - Kemal Sadyk Gekchelı) dúnıeden ótti, dep habarlaıdy Anadolu agenttigi.

Jazýshy júrek-ókpe syrqatynan kóz jumǵan. Ol 15 qańtardan beri emhanada em alyp jatqan.

Kemal qazirgi zamanǵy iri túrik jazýshylarynyń biri. Ol birneshe ret ádebıet salasy boıynsha Nobel syılyǵyna úmitker, sondaı-aq táýelsiz Kúrdstandy jáne Túrkııada azamattyq qoǵam qurýdyń belsendi jaqtaýshysy bolǵan. Kóptegen jyldar boıy Túrkııada onyń kitaptaryn taratýǵa tyıym salynǵan, ózi de biraz ýaqyt qýdalaýǵa túsken.

Qalamgerdiń kýrdtyń ulttyq batyry Indje Memed týraly, qyryqtan astam tilge aýdarylǵan «Memed» (1955) romany onyń shyǵarmalarynyń ishinde erekshe oryn alady. Sondaı-aq ıAshar Kemaldiń "Temir jáshik" (1955), "Tirek" (1960), "Temir jer, mys aspan" (1963), "Taý ańyzdary" (1970), "Qaraqshy" (1972) syndy týyndylary asa tanymal.