Tanymal tulǵalar oqýshylarǵa tabysqa jetý joldaryn aıtty
ASTANA. QazAqparat - Búgin elordadaǵy Nazarbaev zııatkerlik mektebinde elimizge tanymal saıasatkerler, bıznesmender, ǵalymdar, ártister men sportshylar «Kóshbasshylyq sabaǵyn» ótkizdi, dep habarlaıdy QazAqparat.
«Jańa oqý jylyn 906 oqýshymen bastamaqpyz. Onyń 176-sy bıyl 7 synypqa kelip otyr. Biz bıyl «Kóshbasshylyq sabaǵy» atty jańa jobany qolǵa aldyq. Túrli saladaǵy tanymal adamdardy shaqyrdyq. Olar óz tábirıbesi arqyly balalardy belgili bir dúnıege úırete atalatyn sport, bıznes, saıasat syndy túrli salanyń adamdary. Bul joba «Qazaqstannyń 100 jańa tulǵasy» jobasymen de baılanysty. Atalǵan tizimge engen birqatar adamdy da shaqyryp otyrmyz», - dedi tilshilerge suhbat bergen Nazarbaev zııatkerlik mektebiniń dırektory Asen Baıtuqov.
Kóshbasshylyq sabaǵyn ótkizgenderdiń qatarynda Astana opera teatrynyń akteri Eltaı Mustanov, tanymal shahmatshy Dınara Sádýaqasova, ánshi Adam syndy tanymal tulǵalar boldy. Olar ózderiniń jetistikke jetý joldary jaıynda aıtyp, oqýshylardyń qyzyqtyrǵan saýaldaryna tuşymdy jaýap berdi.
Máselen, tanymal shahmatshy Dınara Sádýaqasova fantastıka janrynda kitaptardy oqyǵandy jaqsy kóretindigin aıttyn.
«Áli kúnge deıin «Vlastelın kolets» pen «Hronıkı Narnıı» kitabyn jaqsy kóremin. Degenmen, meniń ómirimniń árbir kezeńi belgili bir janrǵa baılanysty. Olar - klassıkalyq jáne fılososfııalyq kitaptar. Máselen, qazir men ekinshi dúnıejúzilik soǵys kezinde Úndistanda, Nepalda, odan keıin 7 jyl Tıbette ómir súrgen nemis alpınısi týraly «Sem let v Tıbete» atty bıgorafııalyq kitapty oqýdamyn. Oǵan deıin Konfýtsııdi oqyǵan edim», - dedi shahmatshy.
