Tanymal telejúrgizýshi ótirik aıtqany úshin qyzmetinen qýyldy
ASTANA. QazAqparat - Amerıkanyń tanymal telejúrgizýshisi efırde shyndyqty burmalaǵanyn moıyndaǵan soń jumystan shyǵaryldy, dep jazady Bı-bı-sı.
Braıan Ýılıams NBC telearnasynyń praım-taımdaǵy jańalyqtar baǵdarlamasynyń júrgizýshisi bolǵan.
Ol 2003 jyly Irakqa basyp kirý kezinde onyń tikushaǵyn zymyran qaǵyp túsirgeni týraly oqıǵany oıdan shyǵarǵanyn moıyndaǵan. Ýılıams telekórermenderden keshirim surady.
Budan basqa, Jańa Orleandaǵy memlekettik medıtsınalyq uıym ókiliniń aıtýynsha, Ýılıams Katrına daýyly týraly jasalǵan reportajdan keıin bul qalada dızenterııany juqtyryp aldym dep ótirik aıtqan.
NBC telearnasy ishki tergeýin bastady.
