Tanymal telejúrgizýshi «Birlik» medalimen marapattaldy

NUR-SULTAN. QazAqparat - Búgin Qazaqstan halqy Assambleıasy Tóraǵasynyń orynbasary – Hatshylyq meńgerýshisi Janseıit Túımebaev tanymal telejúrgizýshi Maııa Bekbaevany Qazaqstan halqy Assambleıasynyń «Birlik» altyn medalimen marapattady, dep habarlaıdy QazAqparat.

Aıta keteıik, «Qazaqstan halqy Assambleıasynyń «Birlik» altyn medali» eldegi patrıotızm men mádenıet aralyq kelisimdi damytýǵa jáne qoǵamdaǵy beıbitshilik pen kelisimniń nyǵaıýyna, qazaqstandyq patrıotızmdi qalyptastyrýǵa qosqan eleýli úlesi úshin tapsyrylady.

Qazaqstan halqy Assambleıasy Jýrnalıster klýbynyń tóraıymy Bekbaeva Maııa Tólegenqyzy 1979 jyly Shyǵys Qazaqstan oblysynda Semeı qalasynda dúnıege kelgen. Almatydaǵy Ál-Farabı atyndaǵy Qazaq memlekettik ýnıversıtetin támamdaǵan. 2019 jyldan bastap «Kazakh TV» arnasynyń basshysy qyzmetin atqaryp keledi.