Tanymal sportshylar QR Tuńǵysh Prezıdenti - Elbasyǵa shynaıy rızashylyqtaryn bildirýde

ASTANA. QazAqparat - Elimizdiń tanymal sportshylary áleýmettik jeli arqyly Memleket basshysy Nursultan Nazarbaevtyń Qazaqstan halqyna málimdemesine oraı pikirlerin bildirýde, dep habarlaıdy QazAqparat tilshisi.

2016 jyly Rıo-de-Janeıroda ótken jazǵy Olımpıada oıyndarynyń bokstan kúmis júldegeri Vasılıı Levıt: «Prezıdent myrza, barlyǵy úshin de rahmet!», dep jazdy.

Al álemniń 4 dúrkin jáne Qazaqstannyń 4 dúrkin rekordshysy Sergeı Tsırýlnıkov: «Prezıdent myrza, barlyǵy úshin de Sizge rızashylyǵymdy bilderemin», - degen jazba qaldyrdy.

Qazaqstandyq voleıbolshy Sabına Altynbaeva: «Bul ózgerister oń bolǵaı! Rahmet!», - dep atap ótedi.

Al 2012 jyly London jazǵy Olımpıada oıyndarynyń chempıony Aleksandr Vınokýrov: «Tarıhı kún. Rahmet, Prezıdent myrza! Beıbitshilik, turaqtylyq pen órkendeý úshin! Elimizdiń qalyptasýy úshin, bizdiń tarıhymyz úshin jasaǵan isterińiz úshin!», - dep aǵynan jarylady.

2016 jylǵy Rıo-de-Janeıroda ótken Olımpıada chempıony Dmıtrıı Balandın: Bárine de rahmet! Prezıdent myrza!

Aıta keteıik, Memleket basshysy Nursultan Nazarbaev respýblıkalyq telearnalar arqyly Qazaqstan halqyna arnalǵan málimdeme jasap, onda Prezıdenttik ókilettigin toqtatatyndyǵyn jarııa etken bolatyn.