Tanymal sportshylar esirtkige qarsy bılbordtardyń bet-beınesine aınaldy
ALMATY. QazAqparat - Aralas jekpe-jek sheberi Nursultan Orynbasarov pen 2016 jyly Almaty arýy atanǵan Kamıla Asılova «Biz esirtkige qarsymyz!» sharasyna ambassador retinde qatysady, dep habarlaıdy QazAqparat tilshisi.
Búginde Almatyda esirtkige qarsy áleýmettik kelisimge shaqyratyn bılbordtar kóbeıip keledi.
Aqparattyq úgit-nasıhat taqtasynda belgili sport juldyzdarynyń sýretteri paıda boldy.
«Bul bılbord kúsh pen rýhty kórsetedi jáne sulýlyq, densaýlyq pen aqyldylyqty beıneleıtin top-model beınelengen. Bizdiń jastar ómirdiń mańyzdy basymdyqtaryn este saqtaýy kerek jáne bizdiń mindetimiz osyny eske salý. Biz - Qazaqstan halqy esirtkige qarsy birigýimiz kerek», dep túıindedi Almaty qalalyq PD Esirtki qylmystaryna qarsy kúres basqarmasynyń bastyǵy Erlan Almaǵambetov.
