Tanymal sportshylar elorda turǵyndarymen birge tańǵy jattyǵý jasady
NUR-SULTAN. QazAqparat - Nur-Sultanda jappaı tańerteńgilik jattyǵý ótti. Ol koronavırýs ınfektsııasymen kúreske qoldaý kórsetý maqsatynda uıymdastyryldy, dep habarlaıdy QazAqparat qala ákimdigine silteme jasap.
Tańerteń B.Momyshuly kóshesiniń boıyndaǵy kópqabatty úılerdiń turǵyndary balkonǵa shyǵyp sportshylarmen birge jattyǵý jasady. Jattyǵýdy bokstan 2013 jylǵy álem chempıony Mereı Aqshalov pen 2017 jylǵy bokstan álem kýbogynyń jeńimpazy Rımma Volosenko júrgizdi. Turǵyndar sportshylarmen birge tańerteńgilik jattyǵýda belsendilik kórsetti.
«Osy qıyndyqty eńseremiz. Sondyqtan sabyr saqtap úıde otyryp , balalaryńyzben birge sportpen aınalysyńyzdar. Elimiz aman, jurtymyz tynysh bolsyn. Biz birge eńseremiz! Biz birgemiz!», - deıdi 2013 jylǵy álem chempıony boksshy Mereı Aqshalov.
