Tanymal sportshylar dene shynyqtyrý salasyndaǵy jańa ózgeristerdi qoldady
ASTANA. QazAqparat - Elimizdiń tanymal sportshylary «Qazaqstan Respýblıkasynyń dene shynyqtyrý jáne sport máseleleri boıynsha birqatar zańnamalyq aktilerine ózgertýler men tolyqtyrýlar engizý týraly» zań jobasyndaǵy jańashyldyqtarǵa qoldaý bildirdi, dep habarlaıdy QazAqparat.
Atap aıtqanda, olardyń qatarynda Jaqsylyq Úshkempirov, Dáýlet Turlyhanov, Serik Sápıev, ıÝrıı Melnıchenko, Olga Rypakova, Danııar Eleýsinov, Gıýzel Manıýrova, Baqtııar Artaev, Ádilbek Nııazymbetov, Eldos, Smetov jáne basqa da sportshylar bar.
«Bul zań jobasymen jumystar uzaq ýaqyt boıy júrgizilgenin bilemin. Menińshe, bul qujat eleýli reformany qamtyp otyr. Ońtaıly ózgeristerdi jaqyn arada baıqaıtyn bolamyz. Bul turǵyda balalarǵa arnalǵan sporttyq mektepterden bastap, ulttyq qurama komandalarǵa deıin barlyq deńgeılerde jaqsy kórsetkishter oryn alatyn bolady», - dedi Olımpıada chempıony Danııar Eleýsinov.
Budan buryn habarlanǵandaı, Senattyń jalpy otyrysynda «Dene tárbıesi jáne sport máseleleri boıynsha QR-dyń birqatar zańnamalyq aktilerine ózgertýler men tolyqtyrýlar engizý týraly» zań jobasy talqylanyp, eki oqylymda qabyldandy.
Bul zań jobasynda dene shynyqtyrý men sportty qarjylandyrý júıesin jetildirý qadamdary qamtylǵan. Onda sport túrleri boıynsha bıýdjet qarjysynyń teńgerimdi bólinýin qamtamasyz etý maqsatynda sport túrlerin saralaý júıesin engizý kózdelgen.
Bul óz kezeginde sportty qarjylandyrýdyń tıimdi modelin daıarlaýǵa múmkindik beredi, sondaı-aq respýblıkalyq jáne oblystyq deńgeılerde qarjylandyrýdy obektıvti bólýge kepildik beredi.
Atalǵan zań jobasyn qabyldaý memlekettik shyǵystardyń artýyna nemese memlekettik kiristerdiń qysqarýyna ákep soqpaıdy.
Ekinshiden, zań jobasymen memlekettik basqarý organdary jáne Ulttyq Olımpıada komıtetin qosa alǵanda, qoǵamdyq birlestikter arasyndaǵy fýnktsııalardyń arajigin ajyratý usynylady. Jergilikti atqarýshy organdar buqaralyq sportty damytýmen, ortalyq ýákiletti organ - strategııalyq mindettermen, dene shynyqtyrý men sportty damytý máselelerin úılestirýmen, sondaı-aq bıýdjet qarajatynyń atqarylýyn baqylaýmen aınalysatyn bolady.
