Tanymal sportshy Anastasııa Smırnova joǵalyp ketti
ALMATY. QazAqparat - Almatyda 16 jastaǵy sportshy qyz joǵalyp ketti, dep habarlaıdy QazAqparat tilshisi.
Semserlesýden sport sheberine kandıdat Anastasııa Smırnova dosymen kezdesýden soń úıine oralmaǵan.
Qyzdyń anasy Ekaterına Smırnovanyń aıtýynsha, 23 shilde jeksenbi kúni boıjetken keshki saǵat 8 -00-der shamasynda úıinen shyǵyp ketken. Anasyna bir dosymen kezdesetinin aıtqan.
«Kezdesip kelemin dedi. Dosy bolar dep úndemedim. Kósheni aralap keler dep. Bir ýaqytta kesh bolyp ketken soń telefon soǵa bastadym. Telefondary óship tur. Ekeýi de habarsyz. Sodan polıtsııaǵa habarlastyq. Jigittiń ákesi kelip, olar da izdep jatyr», - dedi anasy.
Anasynyń aıtýynsha, sońǵy ýaqytta qyzynyń minez-qulqynan eshqandaı ózgeris baıqamaǵan.
«Shymbulaqta túsken sýretin jarııalapty Instagramǵa. Biraz ýaqyttan soń óshirip tastady. Ol álgi balamen qashyp ketýi de múmkin. Biraq erkinen tys alyp ketýi de ǵajap emes qoı», - dedi anasy.
Polıtsııa qyzmetkerleriniń júrgizgen izdestirý jumystarynyń nátıjesinde Anastasııanyń telefonynyń IMEI kody arqyly sońǵy ret Saıran avtobeketinde bolǵany anyqtalǵan.
Qyzdyń jaqyndary olardy kórgender bolsa habarlasýyn ótindi.
