Tanymal sazger Nyshan Tólegenov 60 jasqa toldy
ShYMKENT. QazAqparat - Ońtústik Qazaqstan oblysynda tanymal sazger Nyshan Tólegenovtiń «Syrly saz sańlaǵy» atty kezdesý keshi ótti. Oblystyq ǵylymı-əmbebap kitaphanasynda ótken shara kompozıtordyń 60 jasqa tolýyna oraı uıymdastyryldy, dep habarlaıdy QazAqparat tilshisi.
Keshtiń keıipkeri Nyshan Tólegenov - Qazaqstan Respýblıkasynyń eńbek sińirgen qyzmetkeri, Báıdibek aýdanynyń Qurmetti azamaty, tanymal ánshi jáne sazger. Óńirdiń osyndaı daryndy perzentteriniń biri búgingi kúnge deıin "Arystanbab", "Túrkistan", "Bəıdibek baba", "Tóle baba", "Domalaq ana" , "Alǵabasym" syndy kóptegen əýezdi ənderdi jazǵan. Al kitaphanada ótken kesh óner adamynyń ómiri men shyǵarmashylyq jolyn dáripteý men jastardy án óneriniń qudiretin aıqyndap, qurmetteı bilýge baýlý maqsatynda uıymdastyryldy. Sharaǵa óńirdiń zııaly qaýym ókilderi men mədenıet jəne óner qyzmetkerleri, kitaphana basshylary, mereıtoı ıesiniń úzeńgiles dostary men jaqyndary, joǵary jáne arnaýly oqý oryndarynyń stýdentteri qatysty.
Kezdesý barysynda sazgerdiń ómiri men shabytty shyǵarmashylyǵy dəriptelip, ónerde jetken jetistikteri men qoǵamdyq negizde atqarǵan jumystary týraly aıtyldy. Óner maıtalmandary bolsa Nyshan Tólegenovtiń syrshyl qasıetinen týǵan ənderin oryndap, eldiń yqylasyna bólendi.
Qazaqstannyń halyq aqyny, aıtys óneriniń dúldúli Əselhan Qalybekova júrekjardy arnaýyn oqyp, sazger janyn tebirentse, D. A. Qonaev atyndaǵy Respýblıkalyq qordyń tóraǵasy Asanbaı Əlseıit qor atynan arnaıy tósbelgi men alǵys hat tabystady.
