Tanymal saıası tulǵalardy óltirýge tapsyrys beretin saıt tabyldy
ASTANA. 20 qarasha. QazAqparat - Jelide kez kelgen adam saıasatkerdi óltirýge tapsyrys bere alatyn saıt paıda boldy, dep habarlady Forbes.
Jaqynda jýrnaldyń tilshisine Kývbatake Sandzıýro degen laqap atty jamylǵan bireý jolyqqan. Ol jelide tórt aıdan beri Assassination Market («Óltirý naryǵy») degen atpen jańa resýrstyń jumys istep jatqandyǵyn jetkizgen. Bul saıtqa tek Tor anonımdi jelisi arqyly tirkelýge bolady.
Kez kelgen adam kez kelgen deńgeıdegi saıası tulǵanyń «janyn jahannamǵa jiberem" dese, óz erki, tek aqshasyn tólese bolǵany. Al aqshany anonımdi elektrondy krıptovalıýta - bıtkoınder arqyly tóleýge bolady.
Bul «qara tizimde» AQSh Ulttyq qaýipsizdik agenttiginiń jetekshisi Kıt Aleksander, AQSh prezıdenti Barak Obama jáne taıaýda óz qyzmetinen ketkeli jatqan FRJ basshysy Ben Bernankeniń esimderi de bar. Sońǵy atalǵan sheneýnikke qastandyq oılaýshylar kóp eken. Onyń basyn 75 myń dollarǵa baǵalapty.
