Tanymal rejısserdiń uly adam urdy dep aıyptaldy
ALMATY. QazAqparat – Almatyda belgili rejısser Rústem Ábdiráshevtiń uly Ábilqaıyr Jarasqan adamdy soqqyǵa jyqty dep aıyptaldy, dep habarlaıdy QazAqparat tilshisi.
Almaty turǵyny Natalıa Batýhtına áleýmettik jelide Ábilqaıyr Jarasqan ekeýiniń arasynda bolǵan kıkiljiń týraly jazǵan bolatyn. Onyń aıtýynsha, olar joldy bólise almaǵan.
Oqıǵa 9 naýryzda Bostandyq aýdanynda boldy.
«Polıtsııaǵa aryz 9 naýryzda túsken. Polıtsııa Ábilqaıyr Jarasqannyń is-áreketine quqyqtyq baǵa berip, soǵan qaraı shara qoldanatyn bolady», - dedi PD baspasóz qyzmetinen.
Keıinirek Bostandyq aýdany polıtsııa basqarmasynyń basshysy Dáýren Ótebaev aıyptalýshydan nýnchakı atty qarý tárkilengenin aıtty.
Foto: www.facebook.com/natalya.batuhtina
