Tanymal rejısser Satybaldy Narymbetov ómirden ozdy
ALMATY. QazAqparat - Qazaqstannyń eńbek sińirgen qaıratkeri, rejısser Satybaldy Narymbetov 75 jasynda ómirden ótti, dep habarlaıdy QazAqparat tilshisi.
«Búgin qazaq kınematografııasy orny tolmas qazaǵa ushyrady. Kıno men ədebıette ózindik sýretkerlik əlemin qalyptastyrǵan, qazaq kınosyna tamasha týyndylar tartý etken Satybaldy aǵamyz kelmestiń kemesine minip aramyzdan kete bardy.
Qazaqstan Respýblıkasy Mədenıet jəne sport mınıstrliginiń atynan kınorejısser, jazýshy, «Qurmet» ordeniniń, «Platınaly Tarlan» syılyǵynyń ıegeri, Frantsııa kıno akademııasynyń Jorj Sadýl atyndaǵy təýelsiz syılyǵynyń laýreaty, Qazaqstannyń eńbek sińirgen qaıratkeri Satybaldy Jáleluly Narymbetovtiń qaıtys bolýyna baılanysty otbasy men jaqyndarynyń qaıǵysyna ortaqtasyp, kóńil aıtamyn.
Ər fılmi men shyǵarmasy arqyly sol zamannyń tynys-tirshiligin, aýanyn jetkizýge tyrysatyn metrdiń asyl beınesi qalyń qazaqtyń kóńil tóri men júrek túkpirinde məńgi saqtalady.
Marqumnyń kózi tirisinde jasaǵan ıgi-jaqsy amaldary aldynan jarylqasyn. Jatqan jeri jaıly, topyraǵy torqa bolsyn»,- dep jazdy Aqtoty Raıymqulova Facebook -tegi paraqshasynda.
Satybaldy Narymbetov 1946 jyly 7 naýryzda Túrkistan oblysy, Túrkistan aýdany, Aşysaı aýylynda týǵan. Máskeý qalasyndaǵy memlekettik kınematografııa ınstıtýtyn bitirgen. 1
984 jyly joǵary rejısserlik kýrsty (G.N. Danelııanyń sheberhanasy boıynsha) bitirgen.
1969 jyldan «Qazaqfılm» stýdııasynda stsenarıst ári kınorejısser retinde qyzmet etti.
1970 jyldan – «Qazaqfılm» kınostýdııasynyń kınorejısseri boldy.
Al 2005 jyldan beri Sháken Aımanov atyndaǵy «Qazaqfılm» AQ «Debıýt» birlestiginiń jetekshisi bolyp eńbek etken edi.
Ol «Qurmanǵazy» atty derekti fılmge (1972 jyly), «Zaýal» (1981 jyly), «Kúzgi buralań jol» (1984 jyly) qysqa metrajdy fılmderge, «Uryn kelgen kúıeý» (1987 jyly), «Sozaqtan shyqqan Gamlet» (1990 jyly), «Kózimniń qarasy», «Jas akkordeonshynyń ómirbaıany» (1994 jyly), «Ompa» (1998 jyly) jáne taǵy basqa kórkem fılmderge rejısserlik etken.
Buǵan deıin, jazýshy Smaǵul Elýbaı Satybaldy Narymbetovtiń aýyr halde, bir aptadan beri komada jatqany týraly jazǵan bolatyn. Onyń aıtýynsha, asqazanyndaǵy eski jara ashylyp qan qusyp aýrýhanaǵa túsken.
