Tanymal rejısser Maman Baıserkenov dúnıeden ozdy
ASTANA. QazAqparat - Belgili teatr rejısseri, Qazaqstannyń eńbek sińirgen óner qaıratkeri, halyq ártisi Maman Baıserkenov dúnıeden ozdy, dep habarlaıdy QazAqparat tilshisi.
Bul týraly Astanada ótken baspasóz máslıhatynda M.Gorkıı atyndaǵy Memlekettik orys drama teatrynyń basshysy Erkin Qasenov málim etti.
«Jana ǵana habar aldym, pedagog, teatr óneriniń sheberi, professor Maman Baıserkenov ómirden ozdy. Ózimniń barlyq áriptesterime, oqýshylaryma qaıǵyra kóńil aıtamyn. Ol kóptegen óńirlerde rejısser bolyp eńbek etti. Teatr ónerinde óziniń izin qaldyrdy. Onyń kitaptary kóptegen urpaqqa ónege bolady», - dedi Erkin Qasenov.
Maman Baıserkenov Qurmanǵazy atyndaǵy Qazaq ulttyq konservatorııasyn bitirgen. 1964-1970 jyldary Atyraý, Qyzylorda oblystyq drama teatrlarynda - rejısser, 1972-1976 jyldary Jambyl oblystyq qazaq drama teatrynda - bas rejısser, 1976-1981 jyldary Ǵabıt Músirepov atyndaǵy Qazaq memlekettik akademııalyq balalar men jasóspirimder teatrynda - bas rejısser, 1981-1983 jyldary respýblıkalyq Koreı mýzyka teatrynda rejısser bolyp jumys istegen. 1983 jyldan beri T.Júrgenov atyndaǵy Qazaq ulttyq óner akademııasynda dáris berdi.
Baıserkenov qoıǵan V.S. Vıshnevskııdiń "Optımıstik tragedııa", A. Shteınniń "Tolas", ıAn. Solovıchtiń "Túlen túrtken tilenshi", S. Shaımerdenovtiń "Ánim sen ediń", Ǵ. Músirepovtiń "Qazaq soldaty", Ý.Shekspırdiń "Gamlet", t.b. spektaklderi kórermenniń yqylasyna ıe boldy. Baıserkenov qazaq teatry óneriniń tarıhynda tuńǵysh ret bir spektakldi eki keshke bólip qoıyp, M. Sholohovtyń "Tynyq Don" trılogııasynyń T. Álimqulov aýdarǵan sahnalyq nusqasyn Jambyl oblysy drama teatrynyń sahnasyna shyǵardy.
Sonymen birge, Baıserkenov - "Túlen túrtken tilenshi" atty aýdarma pesalar jınaǵynyń, "Qoltańba jáne qoıylym", "Sahna jáne akter" oı-tolǵaýlar kitabynyń avtory.
