Tanymal otandyq shoýmen Almatydaǵy velojolaqtyń tuıyq bolýyna narazy
ALMATY. QazAqparat - Elimizdegi tanymal prodıýser, júrgizýshi jáne shoýmen Adıl Lııan qaladaǵy Abaı dańǵylynyń boıyndaǵy velojolaqtyń tuıyq bolýyna narazylyq bildirdi. Osy kemshilikti joıý jóninde ol qala ákimshiligine ótinish bildirdi.
«Osy velojolaqty da shúberekpen búrkep qoıalyq, óıtkeni sheteldikter aldynda uıat qoı (...). Bul Abaı kóshesindegi Abylaı han qıylysyndaǵy velojolaq. Nege tómen qaraı Qurmanǵazy kóshesine jetip, qaıtadan Abaıǵa deıin kóterilmeske. Qurmetti @akimat_almaty, osy tuıyqty joıýlaryńyzdy suraımyn. Rahmet», - dep jazdy prodıýser Instagramdaǵy paraqshasynda.
Aıta ketý kerek, onyń paraqshasyna jazylǵan kóptegen jeli paıdalanýshylary bastamany qoldady.
