Tanymal memleket qaıratkeri Vladımır Nı dúnıeden ozdy

V.V.Nı 1933 jyly qańtardyń 7-sinde Vladıvostokta dúnıege kelgen. Úılengen, eki qyzy bar. 1955 jyly Qazaq ken-metallýrgııalyq ınstıtýtyn ken ınjeneri mamandyǵy boıynsha támamdaǵan.

1990 jyldyń mamyr-jeltoqsan aılarynda QR Prezıdenti jáne Mınıstrler kabıneti Apparatynyń is basqarýshysy, 1991-1992 jyldary - QR Prezıdenti jáne Mınıstrler kabıneti apparatynyń is basqarýshy - apparat jetekshisiniń birinshi orynbasary, 1992-1994 jyldary - QR Prezıdenti jáne Mınıstrler kabıneti Apparaty jetekshisiniń orynbasary, HOZÝ basshysy, 1994-1995 jyldary - QR Prezıdenti jáne Úkimeti apparaty jetekshisiniń orynbasary, is basqarýshysynyń mindetin atqarýshy; 1996 jyldyń qyrkúıek aıy men 1998 jyldyń tamyz aıynyń aralyǵynda - QR Prezıdenti jáne Úkimetiniń is basqarýshysy, HOZÝ basshysy bolǵan. 1998 jyldyń tamyz aıynan bastap -«HOZÝ» aktsıonerlik qoǵamynyń tóraǵasy, bas dırektory, 2002 jyldyń shilde aıynan bastap «HOZÝ» korporatsııasy» JShS-niń prezıdenti bolǵan.

1999 jyldyń maýsym aıynan bastap - «Qazaqmys» korporatsııasy» AQ dırektorlar keńesiniń múshesi, vıtse-tóraǵasy, 2006 jyldyń aqpan aıynan bastap - «Qazaqmys» korporatsııasy» AQ dırektorlar keńesiniń tóraǵasy, 2004 jyldyń jeltoqsan aıynan bastap - «Kazakhmys Pls» kompanııasy dırektorlar keńesiniń múshesi bolǵan.

Kazakhmys Services kompanııasynyń Almatydaǵy fılıalynan habarlaǵandaı, aldyn ala málimetter boıynsha marqumdy jerleý rásimi jeksenbi kúni Almatyda ótedi.