Tanymal qoǵam qaıratkerleri men Ulttyq keńes músheleri Qasym-Jomart Toqaevtyń jańa sharalaryn qoldady
Atap aıtqanda Murat Ábenov, Andreı Chebotarev, Erlan Saırov, Tóleýtaı Rahymbekov, Aýyt Muqıbek, Raýan Kenjehanuly, Ulyqbek Esdáýlet, Qabdesh Jumadilov, Esenǵalı Raýshanov, Serik Aqsuńqaruly, Berik Ábdiǵalıuly, Marat Báshimov, Bakytbek Smaǵul, Talǵat Qalıev, Maksım Spotkaı, Dáýren Qýat, Ashat Sadyrbaı sııaqty tanymal qazaqstandyq qoǵam qaıratkerleri men Ulttyq qoǵamdyq senim keńesiniń músheleri Memleket basshysy Qasym-Jomart Toqaevtyń 2020 jyldyń 11 mamyrynda Tótenshe jaǵdaılar jónindegi Memlekettik komıssııanyń qorytyndy májilisinde jarııalaǵan bastamalaryna qoldaý bildirdi.
«11 mamyrda Tótenshe jaǵdaı jónindegi memlekettik komıssııanyń otyrysynda QR Prezıdenti Qasym-Jomart Toqaev Qazaqstandaǵy tótenshe jaǵdaı rejıminiń aıaqtalǵanyn jarııalady. Tótenshe jaǵdaı rejıminiń engizilýiniń arqasynda koronavırýstyń elde keńinen taralýyna jol bermeýdiń naqtyly ári tıimdi sharalary jasaldy. COVID-19 koronavırýs ınfektsııasymen kúresýdiń qazaqstandyq strategııasy halyqaralyq sarapshylar tarapynan da joǵary baǵalandy»,-delingen habarlamada.
Sonymen qatar, 11 mamyrdaǵy Memlekettik komıssııa otyrysynda Memleket basshysy pandemııa men ekonomıkalyq daǵdarys jaǵdaıynda ulttyq ekonomıkany jáne azamattardyń ál-aýqatyn qoldaýdyń jańa tetikterin usyndy.
«Biz Memleket basshysy usynǵan sharalardy tolyǵymen qoldaımyz. Bul bastamalardy iske asyrý pandemııa kesirinen týyndaǵan ekonomıkalyq daǵdarys kezinde mańyzdy ekonomıkalyq jáne áleýmettik shyǵyndardyń aldyn alady. Sondaı-aq, tótenshe jaǵdaıdyń toqtatylǵanyna qaramastan, biz qazaqstandyqtardy karantın normalary men talaptaryn saqtaýǵa shaqyramyz.
Pandemııamen kúres áli de jalǵasýda. Qalyptasqan jaǵdaıdyń qaýpi men mańyzdylyǵyn eskermeýge bolmaıdy. Azamattardy bıliktiń barlyq nusqaýlaryn oryndaýǵa jáne odan ári karantın sharalaryn saqtaýǵa shaqyramyz. Bul jaǵdaıǵa beıjaı qaramaýdy ótinemiz. Bizdiń qaýipsizdigimiz ben ál-aýqatymyz birinshi kezekte ózimizdiń jaýapkershiligimizge jáne áleýmettik qashyqtyq standarttaryn saqtaýǵa baılanysty. Synaqty birge ótkereıik!»,-delingen Úndeýde.
