Tanymal kınorejısser, «Oskar» syılyǵynyń ıegeri dúnıeden ótti
ASTANA. QazAqparat - Búkil álemge tanymal avstrııalyq rejısser jáne prodıýser, «Oskar» syılyǵynyń ıegeri Maksımıllıan Shell 1 aqpanǵa qaraǵan túni Insbrýk klınıkasynda qaıtys boldy. 83 jastaǵy kıno qaıratkeri eleýli syrqattyń asqynýynan kóz jumǵan, dep habarlady RBK Der Spiegel basylymyna silteme jasap. Shelldiń syrqatynyń naqty dıagnozy habarlanbaǵan.
Budan birneshe kún buryn rejısser aýrýhanada ókpe qabynýynan emdelip shyqqan bolatyn.
Shellge tanymaldylyq Stenlı Kramerdiń «Nıýrnberg protsesi» fılminde natsıstik qylmyskerlerdiń advokatynyń rólin oınaý arqyly keldi, osy róldi somdaǵany úshin ol 1962 jyly «Oskar» syılyǵyn (úzdik er adamnyń róli úshin) ıelendi. Ol álemdegi eń tanymal nemistildi akterdiń biri dep tanyldy.
Onyń áıeli reseılik aktrısa Natalıa Andreıchenko. Gollıvýd juldyzy Andjelına Djolı - Shelldiń kindik qyzy.
