Tanymal qazaqstandyq sýretshiler Lahor bıennalesine qatysyp jatyr
LAHOR. QazAqparat – Qazaqstandyq kórnekti sýretshiler Pákistannyń Lahor qalasynda ótip jatqan LB02 bıennalesine qatysýda, dep habarlaıdy QazAqparat dispatchnewsdesk.com resýrsyna silteme jasap.
26-29 qańtar aralyǵynda Pákistanda «Kún men aı arasynda» atty bıennale ótip jatyr. Oǵan Almagúl Meńlibaeva, Zıtta Sultanbaeva, Sáýle Súleımenova, Schyrlybek Bekbotaev jáne Roman Zaharov sekildi qazaqstandyq sýretshiler qatysýda.
Almagúl Meńlibaeva Pákistanǵa erterek keldi. Onyń germanııalyq Inna Artemova jáne nıderlandtyq German Popovpen birge ázirlegen jobasy óte aýqymdy, sondyqtan birshama daıyndyqty qajet etedi. Art-joba «Ulyqbek: Ortalyq Azııanyń ishki fýtýrıstik mashınasy 2020» dep atalady.
«Zamanaýı sýretshi týyndylaryn qaı elde kópshilikke usynsa da, ol mańyzdy emes. Pákistan týraly túrli stereotıpter bary ras, degenmen bul elde turaqty túrde ótetin bir emes, eki bıennale bar. Qazaqstanda bireý de joq. Ortalyq jáne Ońtústik Azııa arasynda baılanys bar, sony kórsetý kerek. Aramyzda qansha aıyrmashylyq bolsa, sonshama ortaq dúnıeler bar», - deıdi Almagúl Meńlibaeva.
Sýretshilerdi qoldaýǵa Qazaqstannyń Pákistandaǵy tótenshe jáne ókiletti elshisi Aqan Rahmetýllın de keldi.
