Tanymal qazaqstandyq fýtbolshynyń ústinen qylmystyq is qozǵaldy
ASTANA. QazAqparat - Tanymal qazaqstandyq fýtbolshy Baýyrjan Jolshıevtiń ústinen qylmystyq is qozǵaldy, dep habarlaıdy QazAqparat tilshisi.
Fýtboldan Qazaqstan chempıonatynyń eki dúrkin chempıony, Qazaqstan kýbogynyń ıegeri Baýyrjan Jolshıevtiń ústinen kólik júrgizý kýáliginiń joqtyǵyna qaramastan avtomashınasyn júrgizgeni úshin qylmystyq is qozǵaldy.
Ol 2016 jyldyń kúzinde óziniń «Mersedes» avtokóligin mas kúıinde júrgizip, kólik júrgizý kýáliginen úsh jylǵa aıyrylǵan. Alaıda, Jolshıev 2017 jyldyń 3 sáýir kúni kólik júrgizý kýáliginiń joqtyǵyna qaramastan avtomashınasyn júrgizip, Almaty qalasynyń jol polıtsııa qyzmetkerlerine ustalyp qaldy.
Sol sebepti, Baýyrjanǵa QR Qylmystyq Kodeksiniń 346-baby boıynsha qylmystyq is qozǵalǵan. Sot isi Bostandyq aýdanynyń sotynda qaralyp, sýdıa Oljas Kúrenbekov ony 200 saǵattyq qoǵamdyq jumystarǵa tartý úkimin shyǵarǵan.
