Tanymal qazaqstandyq ánshi Janna Sattarova qaıtys boldy
ASTANA. QazAqparat - Búgin tanymal qazaqstandyq ánshi, djaz ánderin oryndaýshy Janna Sattarova baqılyq boldy, dep habarlaıdy «QazAqparat» HAA tilshisi.
Bul týraly ánshiniń ápkesi Gaýhar Sattarova málim etti. «Jannochka qaıtys boldy», - dep jazdy ol óziniń Facebook paraqshasyna.
2014 jyldyń qazan aıynda Janna Sattarova qaterli isik dertine shaldyqqan edi. Ánshiniń ózi aýrýdyń sońǵy satylarynda anyqtalǵanyn aıtty. 2016 jyldyń aqpan aıynda ol Búkilálemdik qaterli isikke kúres kúnine arnalǵan baspasóz máslıhatyna qatysty.
Jannaǵa kómek berý úshin qazaqstandyq djaz hanshaıymynyń dostary men jaqyndary qaıyrymdylyq kontsertterin uıymdastyrdy. Atap aıtqanda, 2017 jyldyń aqpan aıynda ánshiniń emine qarajat jınaý úshin qaıyrymdylyq jármeńkesi uıymdastyryldy, oǵan qazaqstandyq estradanyń tanymal ártisteri qatysty.
Janna Ońtústik Koreıa men Frantsııada em qabyldady, áıtse de aýyr dert almaı qoımady.
Janna Sattarova Qazaqstandaǵy jáne shet memleketterdegi djaz áýesqoılary arasynda keńinen tanymal edi.
