Tanymal qazaq sportshysy Golovkınge bokstan ketý kerek ekenin aıtty
ASTANA. QazAqparat - Qazaqstandyq aralas jekpe-jek sheberi Qýat «Naıman» Hamıtov Golovkınge bokstan ketý kerek ekenin aıtty, dep habarlaıdy QazAqparat tilshisi.
Búgin tanymal qazaq sportshysy Qýat Hamıtov jerlesi Gennadıı Golovkınniń aıqasynan keıin osyndaı pikir bildirdi.
Ol óziniń ınstagram jelisindegi paraqshasynda «Jeńis qutty bolsyn! Biraq raýndtar boıynsha esep Djeıkosbtyń paıdasyna - 5:7. Nokdaýn bar. Mınımým bul teń nátıje bolýy kerek. Mine, osy sebepti biz Golovkın - Ýord jekpe-jegin kóre almaımyz. Genaǵa bokstan ketý kerek. Jasy keldi», - dep jazdy.
Esterińizge sala keteıik, búgin Nıý-Iorkte aıaqtalǵan boks keshinde Gennadıı Golovkın amerıkalyq Denıel Djeıkobsty 12 raýndta upaı sanymen utty.
