Tanymal kásipqoı qazaq boksshysy qandastaryna shapan jaýyp shyǵaryp saldy
ASTANA. QazAqparat - Almatyda kásipqoı bokstan tanymal qazaq boksshysy Aıdar Shəribaev qytaıdan kelgen qandastaryna shapan jaýyp shyǵaryp saldy, dep habarlaıdy QazAqparat tilshisi.
Qytaıdan kelgen qandastarymyz Almatyǵa tájirıbe almasý maqsatynda oqý-jattyǵý jıynyn ótkizgen.
Osy oqý-jattyǵý jıyny barysynda Shəribaev qytaıdan kelgen qazaq boksshylarynyń ónerine dán rıza bolyp, «Aidar Classis» boks klýbynda qonaqtaryna aq dastarhan jaıyp, quramanyń bas bapkerine qazaqtyń dástúrli salty boıynsha shapan japty.
Shəribaev óziniń Instagram paraqshasynda: «Qytaıdan kelgen komanda bapkerine ata saltymyzben shapan jaýyp, syılyqtar tabystadyq. Qurama sapyndaǵy qazaq baýyrlarymyz dən rıza bolyp qaıtty. «Aidar Classis» boks klýbynyń ashylǵanyna bir-aq jyldan assa da, birshama ıgi sharalar ótkizip úlgerdik. Alla isimizge bereke berip, buıyrsa, bıyl da kóptegen maqsatymyzǵa qol jetkizemiz», - dep jazdy ol.
