Tanymal kásipqoı boksshy Janqosh Turarov áke atandy
ASTANA. QazAqparat - Tanymal qazaqstandyq kásipqoı boksshy Janqosh Turarov áke atandy, dep habarlaıdy QazAqparat tilshisi.
Bul týraly boksshy óziniń qýanyshyn Instagram jelisinde óleńdetip jazdy.
«Iá, Alla kórdim be, kórmedim be?!
Iá, Táńirim, berdiń be, bermediń be?!
Shyryldaǵan únińnen aınalaıyn,
Shynymenen ómirge kelgeniń be?!
Qyzym bolsań - qyrymda quralaısyń,
Ulym bolsań - uly bir muradaısyń.
Estısiń be, esi joq, eı, dúnıe,
Menen nege súıinshi suramaısyń?!
Allaǵa shúkir! Allanyń jaqsylyǵy ǵoı. Búgin áke boldym! Dúnıege qyzym keldi! Ózim AQSh-ta bolsam da súıinshi, Qazaq eli!», - dep jazdy.
Esterińizge sala keteıik, Janqosh Turarov 26 mamyrda AQSh-tyń Florıda qalasynda kezekti aıqasyn ótkizý úshin daıyndyq ústinde. Ol jartylaı orta salmaq dárejesinde meksıkalyq Gýstavo Garıbaımen qolǵap túıistiredi. Sondaı-aq, bul kúni birinshi orta salmaqta WBO Intercontinental jáne WBA Fedelatin belbeýleriniń ıegeri qazaqstandyq kásipqoı boksshy Qanat Islam (WBO NABA jáne WBA Intercontinental) qarsylasy meksıkalyq Norberto Gonsalespen jekpe-jekke shyǵady.
