Tanymal hırýrg Almas Ormantaev ómirden ozdy
NUR-SULTAN. QazAqparat – Qazaqstandyq tanymal hırýrg Almas Ormantaev ómirden ozdy, dep habarlaıdy QazAqparat tilshisi.
«Keremet hırýrg, ǵalym, pedagog, naǵyz dostyń qazasynyń arty qaıyrly bolsyn... Almas Ormantaev – professor, uly akademık K.S. Ormantaevtyń uly, jigerli ári ómirge qushtar jan. Júzdegen bala onyń qolymen ajaldan aman qalsa, júzdegen balalar hırýrgin daıyndap shyǵardy... Onyń ómirden ozǵanyna sený qıyn... Jaqyndaryna qaıǵyra kóńil aıtamyz!», -dep jazdy Halyqaralyq reprodýktologııa akademııasynyń prezıdenti Vıacheslav Lokshın Facebook paraqshasyna.
Almas Ormantaev 63 jasta edi. Ol Qazaq Ulttyq medıtsınalyq ýnıversıtetiniń balalar hırýrgııasy bóliminiń meńgerýshisi, «Qazaqstandyq balalar hırýrgteri» Respýblıkalyq qoǵamdyq birlestiginiń tóraǵasy boldy, medıtsına ǵylymdarynyń doktory, professor edi.
Ol Ulttyq ana men bala ǵylymı ortalyǵynda pedıatrııa jáne balalar hırýrgııasy boıynsha medıtsınalyq dırektordyń orynbasary bolyp jumys istedi, sonymen qatar balalar hırýrgııasy bóliminiń bastyǵy edi.
