Tanymal gollıvýd rejısseri Chak Rassel «Kazahfılmde» bolyp qaıtty

Chak Rassel kıno áleminde komedııalyq fantastıka janryndaǵy Djım Kerrımen túsirilgen «Bet perde», Dýeın Djonsonmen túsirilgen «Mýmııa qaıta oralady» nemese «Saryshaıandar patshasy», sonymen qatar, Arnold Shvartseneggerdiń qatysýymen ótken «Stıratel» kartınalarymen belgili.

«Bul meniń Qazaqstan eline birinshi kelýim. Men qazaq jerine kelgenime qýanyshtymyn»,-dedi gollıvýd rejısseri Chak Rassel kezdesý barysynda.

Ol sonymen qatar, : «Men «Qazaqfılm» kınostýdııasy jaıynda kóp estidim jáne baıaǵydan qazaq kınosyn jasaıtyn kınostýdııada bolýdy armandadym. Shaqyrtý alǵanda birden kelistim»,-dedi.

Tanymal gollıvýd rejısseri Chak Rassel úshin «Qazaqfılm» kınostýdııasyna ekskýrsııa uıymdastyryldy. Ol kınostýdııany aralap, keshenniń tehnıkalyq bazasymen tanysty.

Bunymen qatar, rejısser «Qazaqfılm» AQ prezıdenti Ermek Amanshaevpen kezdesti. Onda Qazaqfılmniń gollıvýd jobalarynyń birine qatysý múmkindigi qaraldy.

Chak Rasseldiń pikirinshe, qazaq jeri kıno túsirýge yńǵaıly da, kórikti jer. «Men munda bolashaq fılmderime keletin adamdardy kezdestirdim, tıpajdar fılmimniń keıipkerlerine dál keledi»,-dedi ol.

Rejısser sonymen qatar, sapary barysynda jas, talantty rejısser Ahat Ibraevtiń jańa jumystarymen jáne birneshe akterlarmen tanysty.

Kezdesý sońynda Chak Rassel aldaǵy ýaqytta birlesken yntymaqtastyqqa úmitti ekendigin aıtty.