Tanymal fýtbolshy Mohamed Salah koronavırýs juqtyrdy
LONDON. QazAqparat – Tanymal mysyrlyq fýtbolshy, Mysyr qurama komandasynyń kapıtany jáne brıtandyq «Lıverpýl» klýbynyń shabýylshysy Mohamed Salah koronavırýs juqtyrdy, dep habarlaıdy QazAqparat VVS-ge silteme jasap.
Sportshynyń ınfektsııaǵa shaldyqqanyn juma kúni Mysyr fýtbol qaýymdastyǵy málimdedi.
Uıymnyń habarlaýynsha, Salahta aýrýdyń eshqandaı belgileri baıqalmaıdy, koronavırýs juqtyrǵany onyń test nátıjesinde anyqtaldy.
Mysyr quramasy Afrıka ulttarynyń kýbogyna daıyndalyp jatyr. Senbi kúni komanda Togomen irikteý matchyn ótkizedi.
«Quramanyń basqa oıynshylarynda koronavırýs anyqtalǵan joq», - dep tolyqtyrdy qaýymdastyq.
«Salah Premer-lıganyń bıylǵy maýsymynda 13 match ótkizip, 10 gol soqty. Birneshe kún buryn ol baýyrynyń toıyna barǵan. Vıdeoda shabýylshynyń qonaqtarmen qushaqtasyp, bılep jatqanyn baıqaýǵa bolady. Qonaqtardyń eshqaısysynda maska bolǵan joq. «Lıverpýl» kelesi oıynyn «Lesterge» qarsy ótkizedi. Match 21 qarashaǵa josparlanǵan. Mo Salah «Lıverpýldiń» mańyzdy oıynshysy, biraq onyń oıynǵa qatyspaýy komandany karantınge jatqyzyp qoıǵannan jaqsy», - dep jazdy VVS agenttigi.
