Tanymal fotograf erekshe sýretter túsirý úshin bir aýyldy órtep jiberdi
ASTANA. QazAqparat - «World Press Photo» syılyǵynyń laýreaty Danıla Tkachenko óziniń kezekti fotolaryn «Otan» degen taqyryppen jarııalady. Bul týraly Solta portaly habarlaıdy.
Reseılik fotograf erekshe sýretterin túsirý úshin eshkim turmaıtyn aýyldy tolyǵymen jaǵyp jiberdi. Onymen qoımaı, qańyrap qalǵan shirkeýlerdi qara túske boıap, óz ónerin basqa qyrynan kórsetýge tyrysqan. Degenmen, onyń bul áreketi qoǵam narazylyǵyn týǵyzdy. Ólketanýshylar, quqyq qorǵaýshylar, blogerler men jýrnalıster baıbalam salyp, jas fotografty qylmystyq jazaǵa tartýdy talap etti.
Qazirgi kezde jeli qoldanýshylary Tkachenkonyń óz fotolaryn qaı jerde jasaǵanyn tappaı otyr. Ony fotograftyń ózi de jarııa etken joq.
Aıta ketken jón, 28 jastaǵy Danıla Tkachenko - Kandınskıı atyndaǵy syılyqtyń nomınanty. Budan bólek, World Press Photo premııasynyń laýreaty atanǵan.
