Tanymal efıopııalyq marafonshy Mırýs Ifter ómirden ozdy
ASTANA. QazAqparat - Tanymal efıopııalyq uzaq qashyqtyqqa júgirýshi, Máskeý Olımpıadasynyń eki márte chempıony Mırýs Ifter 23 jeltoqsan kúni Kanadada 73 jasynda ómirden ozdy.
Onyń qaıtys bolǵanyn týystary habarlady. Mırýs Ifter tynys joldary dertinen shaldyqqan.
Mırýs Ifter HH ǵasyrdyń kórnekti sportshylarynyń biri. Máskeýdegi Olımpıada oıyndarynda 5 000 metr jáne 10 000 metr qashyqtyqta jeńiske jetken. Mırýs Olımpıada-80 jeńil atlettik týrnırindegi jasy kelgen qatysýshylardyń biri boldy - ol kezde 36-da edi. Sondaı-aq, Mırýs Ifter Olımpıada-72-de 10 000 metr qashyqtyqta qola medal enshiledi.
