Tanymal dızaınerdi óltirgen kúdikti 11 jylǵa sottaldy
ALMATY. QazAqparat- Almaty qalasynyń qylmystyq ister jónindegi mamandandyrylǵan aýdanaralyq soty «Bisen» atymen tanymal dızaıner Sábıt Syrahannyń ólimine kináli adamǵa qatysty úkim shyǵardy, dep habarlaıdy QazAqparat tilshisi.
Sot Saǵynysh Dúısenǵalıevti QRQK 99-baby, 1-bóligi «Kisi ltirý» boıynsha kináli dep tanydy.
«Sot úkimimen S. Dúısenǵalıev 11 jyl 3 aıǵa bas bostandyǵynan aıyryldy. Sondaı-aq, sottalaýshy qaza tapqan jigittiń otbasyna 10 mln teńge moraldyq zalal óteýge mindetti»,- dep habarlady Sottyń baspasóz qyzmeti.
Buǵan deıin, prokýror aıyptalýshyny 12 jylǵa bas bostandyǵynan aıyrýdy suraǵan bolatyn.
Eske salaıyq, qazaqstandyq dızaıner 2020 jyldyń kúzinde kisi qolynan qaza tapty. Aıta keteıik, Sábıt Bisen - tanymal streetwear-brendiniń dızaıneri bolǵan.
Onyń qazasy týraly dostary men áriptesteri áleýmettik jelide habarlaǵan edi.
Úkim zańdy kúshine engen joq.
