Tanymal boksshy Vasılıı Jırov «Qazaqstan» telearnasynyń efırinde súıiktisine úılený týraly usynys jasady
ASTANA. QazAqparat - Aýyr salmaqtaǵy qazaqstandyq birinshi kásibı boksshy Vasılıı Jırov tarıhı Otanyna kelý kezinde «Qazaqstan» telearnasynyń stýdııasynda súıiktisine úılený týraly usynys jasady, dep habarlaıdy «Qazaqstan» RTRK baspasóz qyzmetinen.
«Balqash jolbarysy» atanǵan Qazaqstannyń ataqty boksyshalyrynyń biri «Túngi stýdııada «Nurlan Qoıanbaev» baǵdarlamasy barysynda súıiktisi ıÝlııaǵa úılený týraly usynys jasady.
Sonymen qatar, bizge belgili bolǵandaı, Vasılıı Los-Andjeleste jeke fıtnes zalyn ashpaqshy. Aıta ketetini, búgingi kúni V.Jırov - Gollıvýd juldyzy Stıven Sıgaldyń jeke jattyqtyrýshysy. S.Sıgal kúres óneri týraly jańa fılm túsirgisi keletinin jáne osy fılmge V.Jırovtyń túskenin qalaıtynyn aıtqan. «Men de kelisimimdi bere qoıdym. Qazirgi kezde sol fılmge daıyndyq jumystary ótýde», - deıdi V.Jırov. Aldaǵy ýaqyty jerlesimizdi jańa gollıvýd kınojuldyzy qatarynan kórip qalarmyz degen úmittemiz.
Vasılıı Jırov Qazaqstan Respýblıkasynyń eńbek sińirgen sport sheberi, Parasat ordeniniń ıegeri. V.Jırov kezinde týǵan qalasynda dánekerleýshi (gazoelektrosvarşık) mamandyǵy boıynsha oqýyn aıaqtap, tolyǵymen bokspen shuǵyldanýdy jón kóredi. Boksqa ol óz ómiriniń 25 jylyn arnady. Bokspen 11 jasynan bastap shuǵyldana bastady.
Atlantada ótken boks jarysynda týrnırdiń tehnıkalyq jaǵynan eń úzdik boksshysy retinde Jırov Vel Barkerdiń kýbogyn jáne álemniń birinshilikteriniń jeńimpazy ataǵyn ıelengen bolatyn. Kásibı rıngte 42 ret kúreske shyǵyp, onyń 38-in jeńispen aıaqtady, kúresterdiń 90 paıyzyn nokaýtpen aıaqtady. WBC jáne IBF nusqalary boıynsha chempıon atandy.
Tólqujaty boıynsha qazaqstandyq sanalatyn Vasılıı Jırov 1996 jyldan beri AQSh-tyń Arızona shtatynda turady. Alystaǵy Amerıkada Vasılıı Djeıkob pen Nıkolas esimdi eki ulyn tárbıleýde.
«Qazaqstan» telearnasynda «Túngi stýdııada «Nurlan Qoıanbaev» baǵdarlamasyn 5 mamyr kúni saǵat 23.40-da jiberip almańyzdar! Baǵdarlamanyń arnaıy qonaǵy tanymal boksshy - Vasılıı Jırov.
