Tanymal boksshy Mennı Pakıao sporttyq mansabyn kóktemde aıaqtaıdy
ASTANA. QazAqparat - Tanymal fılıppındyq kásibı boksshy Mennı Pakıao Amerıka boksshysy kishi Floıd Meıvezermen revansh matchy úshin mansabyn aıaqtaýdy keıinge qaldyrýǵa daıyn ekeni týraly aqparatty rastaǵan joq. Sportshy óz mansabyn 2016 jyldyń kókteminde aıaqtaıtynyn málimdedi, dep jazady sheteldik BAQ.
Eske sala keteıik, ótken jyldyń sońynda baspasózde fılıppındyq sportshynyń tsıtatasy shyǵyp, onda onyń Meıveızermen jekpe-jek úshin óz mansabyn 2016 jyldyń kókteminde aıaqtaý sheshimimen bas tartýǵa daıyn ekeni aıtylady.
«Men ondaı eshteńe aıtqan emespin. Menen ol týraly eshkim suraǵan da joq. Men 9 sáýirde Tımotı Bredlımen ótetin jekpe-jekten keıin mansabymdy aıaqtaımyn», - dep jazady TASS 37 jastaǵy boksshynyń sózderin.
Kásibı rıngte Pakıaonyń esebinde 57 jeńis (38-i nokaýtpen), 6 jeńilis jáne 2 teń oıyn bar. Pakıao ýaqyt boıynsha sońǵy jekpe-jeginde kishi Meıvezerden jeńilgen edi. Kóptegen sarapshylar «ǵasyr jekpe-jegi» atap ketken 12-raýndtyq judyryqtasý 3 mamyr kúni Las-Vegasta ótip, tóreshilerdiń biraýyzdan shyǵarǵan sheshimimen upaı sany boıynsha amerıkandyqtyń jeńisimen aıaqtaldy. Aıqas aıaqtalǵan soń, fılıppındyq sportshy rıngqa jaraqattanǵan ıyqpen shyqqanyn málimdedi.
