Tanymal bloger ózin quttyqtaýdyń ornyna qaıyrymdylyq jasaýdy usyndy
«Bir saǵattan soń áleýmettik jeli meniń týǵan kúnim ekenin eske salyp, dostaryma quttyqtaýdy usynady. Kóp adamdar quttyqtaıdy. Alaıda men sózden góri áreketi quptaımyn. Sondyqtan byltyrǵy naýqandy usynamyn», - dep jazdy ol Feısbýktaǵy paraqshasynda.
Ol quttyqtaýshylardy qaıyrymdylyq sharasyna at salysýdy surady. ıAǵnı, «Balalarǵa ómir syıla» jobasynyń 9099 nómirine árkim óz uıaly telefonynynan 1 sanyn jiberedi. Kelte habarlama úshin alynǵan 280 teńge aýyr nasqasqa shaldyqqan búldirshinderdi emdeýge jumsalady.
«Byltyr biz bir kúnde 200 myń teńgeden astam qarjy jınadyq. SMS jiberýden rekord ornatyldy (qatardaǵy statıstıka 40 mınýtta 1 SMS bolsa, sol joly 2 mınýtta 3 habarlamadan keldi», - dep jazdy Elikbaev.
Qaıyrymdylyq sharasyna at salysqandar habarlamanyń kóshirmesin pikir orynan jarııalaı alady. Blogerdiń aıtýynsha, bul - maqtan emes, kerisinshe basqalarǵa úlgi kórsetý úshin qajet eken.
Eske sala ketsek, «Balalarǵa ómir syıla» qaıyrymdylyq sharasynyń basty mindeti men maqsaty - Qazaqstanda emdelmeıtin túrli dertke shaldyqqan balalarǵa medıtsınalyq qoldaý kórsetý, kishkene sábılerdiń ómirin saqtap qalý, ata-analaryna kómek qolyn sozyp, járdem berý. Qaıyrymdylyq qor, negizinen, balasyn emdeýge óz betimen qarajat taba almaıtyn, turmys jaǵdaıy nashar otbasylarǵa kómek kórsetedi. Oǵan qajetti qarjy túrli tásilder arqyly jınalady.
«Osy 4 jylda bizdiń erikti qoǵamdyq qaıyrymdylyq qor 2 mln 142 myń dollar aqsha jınap, 342 balaǵa ota jasatty», - dep málim etti jobanyń avtory, Erikti qoǵamdyq qaıyrymdylyq qorynyń dırektory Arýjan Saın.