Tanymal bapker: Golovkın-Alvares revanshynda Kanelo jeńedi

ASTANA. QazAqparat - Boks álemine eńbegi sińgen bapkerlerdiń biri Freddı Roých Gennadıı Golovkın men Saýl «Kanelo» Alvarestiń ekinshi jekpe-jegi týraly óz pikirimen bólisti. 

 Revansh 15 qyrkúıekke josparlanǵan, alaıda qarjylyq kelispeýshilikter saldarynan bolmaýy da múmkin, dep jazdy Sports.kz.

«Bul bokstaǵy úzdik jekpe-jekterdiń biri, ol bizge qajet. GGG - meniń jaqsy dosym, maǵan unaıdy, biraq ol rematchta jeńedi dep oılamaımyn. «Kanelo» kún ótken saıyn jaqsaryp keledi. Golovkın sońǵy aıqasynda qolynan kelgeniniń bárin istedi. Ol nokaýtpen jeńbese, qatty tańǵalar edim. Ekinshi aıqasty (Golovkın men Alvarestiń) tezirek ótkizý kerek, sebebi GGG qartaıyp barady. «Kanelomen» birinshi jekpe-jekte burynǵydaı aıqasa alǵan joq. Sol úshin «Kanelo» jeńedi dep oılaımyn, sebebi ol qazir jas», - dedi Roých Fight Hub TV-ge bergen suhbatynda.