Tanymal atlet astana turǵyndaryna tegin onlaın-dáris ótkizedi
NUR-SULTAN. QazAqparat - Karantın engizilýine baılanysty astanalyq turǵyndardyń kópshiligi aspazdyq, tigin, bı jáne sport jattyǵýlaryna arnalǵan onlaın-dáristerge kóp den qoıa bastaǵan, dep habarlaıdy QazAqparat elorda ákimdiginiń resmı saıtyna silteme jasap.
Qazaqstandaǵy Street Workout mektebiniń negizin qalaýshy áleýmettik jeli arqyly tózimdilik pen jyldamdyqty arttyryp, bulshyq etti jattyqtyrýǵa arnalǵan onlaın-dáris ótkizedi.
Street Workout boıynsha álemniń jáne QR birneshe dúrkin jeńimpazy Aıtym Jakýpov «Biz birgemiz» aktsııasy aıasynda elorda turǵyndaryna tegin sporttyq onlaın-dáris uıymdastyratynyn aıtty.
«Barshańyzdy sportpen shuǵyldanýǵa shaqyramyn. Osy chellendjdi elimizdiń barlyq sportshylaryna joldaımyn. Biz birge úlken kúshpiz. Biz birgemiz»,- dedi Aıtym Jakýpov. Sportshynyń aıtýynsha, sporttyq onlaın-dáris onyń áleýmettik jelidegi resmı paraqshasynda (@aitymzhakupov) apta saıyn ótkizilediy.
Іndetpen kúresip jatqan osynaý qıyn-qystaý ýaqytta tanymal qoǵam jáne mádenıet qaıratkerleri, tanymal sportshylar men bloggerler barsha otandastarymyzdy qoldap onlaın-dárister ótkizýde, kóńilge medeý beretin jyly lebizderin joldap, án jazyp, áleýmettik jelilerde jazbalaryn arnaýda.
