Tanymal aspaz kókshetaýlyqtarǵa ulttyq taǵam daıyndaýdy úıretti
KÓKShETAÝ. QazAqparat - Qazaqstandyq tanymal aspaz Artem Kantsev Kókshetaýdaǵy №1 qurylys-tehnıkalyq kolledjinde oqytýshylar men stýdentterge sheberlik sabaǵyn ótkizdi, dep habarlaıdy QazAqparat tilshisi.
«Rýhanı jańǵyrý» baǵdarlamasy sheńberinde Qazaqstan aspazdary ulttyq qaýymdastyǵy uıymdastyrǵan «Qazaqstannyń ulttyq taǵamy» atty sheberlik sabaǵyna 40-qa jýyq stýdent qatysty.
«Bul jolǵy shara halyqaralyq aspaz kúnine arnalyp otyr. Dúnıejúzilik aspazdar qaýymdastyǵy jyl saıyn osyndaı shara uıymdastyryp keledi. Bıyl jetinshi ret uıymdastyrylyp otyrǵan sharaǵa Nur-Sultan qalasynan qazaqstandyq tanymal aspaz Artem Kantsev qatysyp otyr. Kásibı sheber qazirgi zamanǵy tehnologııalar arqyly qazaq halqynyń ulttyq taǵam túrlerin ázirleýde aldyna jan salmaıdy. Sondyqtan, keleshek aspazdar kásibı sheberden tájirıbe alady», - deıdi Qazaqstan aspazdar ulttyq qaýymdastyǵynyń tóraıymy Elena Maşınskaıa.
