Tanymal ánshi Selın Dıon qaıǵyǵa dýshar boldy
ASTANA. QazAqparat - AQSh-ta 73 jasynda kanadalyq ánshi Selın Dıonnyń kúıeýi ári menedjeri Rene Anjelıl qaza tapty.
Bul týraly ánshi «Feısbýktegi» jeke paraqshasynda habarlaǵan. Rene Anjelıl Selın Dıonnyń 12 jasynda oǵan menedjer bolǵan.
Obyrmen uzaq ýaqyt syrqattanǵan Rene Anjelıl Las-Vegasta óz úıinde jan tapsyrǵan.
Ánshi qyltamaq bolǵan jaryn kútip-baǵý úshin ánshilik karerasyn da toqtatqan.
Anjelılde alǵash ret obyr dıagnozy 1998 jyly anyqtaldy, alaıda otadan keıin ol jazylǵanyn habarlaǵan. 2013 jyly oǵan taǵy bir ota jasaldy. Dárigerler ol kezde taǵy da «jaman aýrýdy» anyqtaǵan bolatyn.
VVS agenttiginiń habarlaýynsha, Anjelıl men Selın Dıon 1994 jyly úılendi, olardyń úsh balasy bar: úlkeni 14 jasta, al egiz uldary 2010 jyly dúnıege kelgen.
1981 jyly Anjelıl endi kóterilip kele jatqan ánshiniń alǵashqy jazbasyn qarjylandyrý úshin óz úıin kepilge qoıǵan.
