Tanymal ánshi Aqylbek Jemeneı «Zhemeney» brendimen kıim shyǵarmaq
ASTANA. QazAqparat - Belgili qazaqstandyq ánshi Aqylbek Jemeneı Zhemeney atty óz brendin qalyptastyryp jatyr. Bul týraly tanymal juldyz "Qazaqstan" telearnasyndaǵy "Búgin jeksenbi" baǵdarlamasynda aıtyp ótti.
Aqylbektiń Instagram paraqshasyndaǵy jazylýshylary ánshiniń eksklıýzıvti bastamasyna qýanyp, óz lebizderin bildirýde. Jankúıerler fotodaǵy Aqylbektiń pıdjagyna qyzyǵyp, lezde baǵasyn suraýda. Endi bireýleri kıimdi tapsyryspen qalaı alýǵa bolatynyn bilgisi keledi. Biraq mundaı qýanyshty bólisýshilerdiń arasynda otandyq kıimderdiń baǵasy tym qymbat bolatynyn, qazaqstandyq brendter qarapaıym halyq úshin qoljetimsiz ekenin aıtýda. Aıta keterligi, Aqylbek Jemeneı bir jyl buryn Almatyda Zhemeney records atty stýdııa ashqan. Qazir ánshiniń stýdııasy ýaqytsha istemeı tur eken. Buǵan sebep, án óńdeýshi mamandar jetispeı jatyr, dep habarlaıdy baistars.kz.
