Tanymal amerıkandyq ánshi óz-ózine qol jumsady
ASTANA. QazAqparat - Los-Andjelestegi úıinen G.R.L. tobynyń ánshisi, The X Factor shoýynyń fınalshysy 25 jastaǵy ánshi Sımon Battldyń óli denesi tabyldy. Bul týraly News.ru. habarlady.
TMZ portalynyń derekterine súıensek, ánshi óz-ózine qol salǵan. Ázirge bul nusqa resmı túrde rastalǵan joq.
G.R.L. toby 2013 jyly qurylǵan. Qyzdardan qurylǵan mýzykalyq ujymnyń alǵashy jumysy "Vacation" áni boldy. Ol "Smýrfıkı-2" anımatsııalyq fılminiń saýndtregine engen. 2014 jyly jazda G.R.L. óziniń "Ugly Heart" lıd-sıngly men "G.R.L." shaǵyn albomyn shyǵardy, kúzge toptyń aýqymdy promo-kampanııasy josparlanǵan bolatyn. CNN telearnasy Sımon Battl G.R.L. tobyndaǵy jumysynan basqa Ońtústik Kalıfornııa ýnıversıtetinde mýzykadan bilim alyp, shirkeý horyna qatysqanyn atap ótti. Sımonnyń ólimi faktisi boıynsha tergeý amaldary júrgizilýde.
