Tanymal amerıkandyq akter qazaqstandyq rejısserdiń fılmine túsedi
ASTANA. QazAqparat - Amerıkandyq belgili akter ári rejısser, Oskar syılyǵynyń laýreaty Morgan Frımannyń eleýli eki jobaǵa qatysatyny belgili boldy.
Ataqty akter qazaqstandyq rejısser Tımýr Bekmambetovtyń «Ben-Gýr» («Ben-Hur») aýqymdy jobasyna qosyldy. Ol basty keıipkerdiń ustazynyń rólin somdamaq. Osyǵan deıin bul fılmdegi basty rólde Tom Hıddlston oınaıdy dep aıtylǵan bolatyn. Kartınanyń premerasy 2016 jyly aqpanǵa josparlanǵan. Sondaı-aq Frıman «Ted» komedııasynyń ekinshi bólimine shaqyrtý alypty. Ol azamattyq quqyqtardy qorǵaýmen aınalysatyn zańgerdi somdamaq. Set MakFarleınniń jobasyna odan basqa Mark Ýolberg, Amanda Saıfred túsetini belgili. Oıynshyq aıýdy rejısserdiń ózi dybystaıdy. Fılm 2015 jylǵy 26 maýsymda jaryq kóredi dep josparlanǵan, dep habarlaıdy kinostan.kz.
