Tanymal «Ál-Arabııa» telearnasy Nursultan Nazarbaev týraly derekti fılm kórsetti
ASTANA. QazAqparat - 6 shildede musylman álemine tanymal «Ál-Arabııa» telearnasy Qazaqstan Respýblıkasynyń Saýd Arabııasy Koroldigindegi Elshiligimen birlese otyryp, QR Prezıdenti Nursultan Nazarbaev týraly arnaıy derekti fılmdi kórermenderdiń nazaryna usyndy, dep habarlaıdy QR SІM baspasóz qyzmeti.
Bul tarıhı fılmde Qazaqstannyń qalyptasýyna jáne halyqaralyq saıasattyń damýyna Prezıdent Nursultan Nazarbaevtyń qosqan eren eńbegi, qysqa merzim ishinde elimizdiń qarqyndy damýy, Elbasy aıqyndaǵan qazaqstandyq joldyń bıik belesterdi ótkergendigi týraly derekter kórsetilgen. Sonymen qatar, Prezıdenttiń ult kóshbasshysy, azamat jáne adam retindegi kópqyrly tulǵasy atalmysh fılmde aıqyndalǵan.
«Ál-Arabııa» - 2003 jyldan beri táýlik boıy jumys isteıtin, arab tilinde habar taratatyn jerseriktik telearna. Shtab-páteri Dýbaıda ornalasqan. Telearna aýdıtorııasy 30 mln. adamdy quraıdy. «Ál-Arabııa» telearnasynyń baǵdarlamalar tizimin jańalyqtar, saraptamalyq habarlar, tok-shoý jáne derekti fılmder tolyqtyrady.
