Tanymal akter Qasym Jákibev ómirden ótti
ALMATY. 9 tamyz. QazAqparat /Erbol Azanbek/ - QR halyq ártisi, «Parasat» ordeniniń ıegeri, teatr jáne kıno akteri Qasym Jákibaev 82 jasqa qaraǵan shaǵynda dúnıeden ozdy.
Akter, Qazaqstannyń eńbek sińirgen ártisi (1966), Qazaqstannyń halyq ártisi (1996) Qasym Jákibaev 1928 jyly Almaty oblysy, Jambyl aýdany, Qarǵaly aýylynda dúnıege kelgen. 1944-48 jyldary Almaty kórkemsýret ýchılışesinde oqyp, támamdaǵan. 1948-1984 jyldary Qazaqtyń balalar men jasóspirimder teatrynda, 1984 -1994 jyldary aralyǵynda «Qazaqfılm» kınostýdııasynda akter bolyp qyzmet istegen. Teatr men kıno áleminde 200-den astam rólderdi somdady. Onyń ishinde teatrdaǵy eń alǵashqy róli A.Tolstoıdyń «Altyn kilt» ertegisindegi Bazılıo rólinen bastap M.Aqynjanovtyń «Altyn saqasynda» Sarman, «Esirtken erkede» Marat, «Ybyraı Altynsarınde» Jaqaı, Ý.Shekspırdiń «Gamletinde» Polonın, F.Shıllerdiń «Zulymdyq pen mahabbatynda» Výrle, S.Muqanovtyń «Móldir mahabbatynda» Qaıraqbaı, Sh.Aıtmatov pen M.Shahanovtyń «Mıǵulanyń terisi ústindegi sotynda» Shyńǵys han, t.b rólderi kórermen júregine jol tapty.
Kıno salasynda «Dersý Ýzala», «Jansebil», «Qan men ter», «Úsheý», «Dáneker», «Surapyl Surjekeı», «Shoq pen sher», «Otyrar», «Mahabbat stansasy», «Toǵysqan taǵdyrlar» fılmderinde túrli keıipkerlerdi somdady.
Marqummen qoshtasý erteń saǵat 10.00-de Almatydaǵy Ǵ.Músirepov atyndaǵy Qazaqtyń memlekettik akademııalyq balalar men jasóspirimder teatrynda ótedi.
