Tanymal akter Eshton Katcher Gollıvýdtan ketti
ASTANA. QazAqparat - Gollıvýdtyń ataqty akteri Eshton Katcher kıno salasyndaǵy karerasyn aıaqtalǵanyn, endi odan da mańyzdyraq jobalarmen aınalyspaq ekenin habarlady, dep jazady Rosbalt.
Ol endi jańa rólderden bas tartyp, kóp ýaqytyn otbasyna arnamaq. Onyń jubaıy da tanymal aktrısa - Mıla Kýnıs. BAQ-tyń habarlýynsha, olardyń otbasynda jaqynda bala dúnıege keledi.
Qazir Eshton «Eki jarym adam» serıalynyń sońǵy maýsymyna túsip jatyr. Osy jobadan soń ol Gollıvýdpen qoshtasady. Katcherdiń aıtýynsha, kınoındýstrııa salasynda 15 jyl qyzmet etý ol úshin jetkilikti boldy.
Endi akter Internet tehnologııalar salasyndaǵy kásippen aınalysýdy josparlap otyr.
