Tanymal akter Dmıtrıı Dıýjev 9 jasar qyz balany qaǵyp ketti
ASTANA. 18 qazan. QazAqparat - Tanymal akter Dmıtrıı Dıýjevtiń qatysýymen bolǵan jol-kólik apaty Máskeýdiń batys aımaǵynda, Artamonov kóshesinde oryn aldy.
«Amınevsk tas jolyna qaraı jyljyǵan BMV avtokóligi №11 úı aýmaǵynda kishkentaı balany qaǵyp ketti, - dep habarlady Life News-ke quqyqqorǵaý organdarynan. - Qyz bala basynan jaraqat aldy».
Apattan zardap shekken Sveta K. esimdi 9 jasar qyz jaıaý júrginshi jolynan qurbysymen birge júgirip ótpek bolǵan.
«Balanyń jaraqaty asa aýyr emes. Terisi syrylyp, soqqydan bir-eki jeri kógergen, soǵan qaramastan ony aýrýhanaǵa apardy», - deıdi derek kózi.
Kýágerlerdiń sózine qaraǵanda, Sveta men onyń qurbysy joldy jaıaý júrginshi jolymen keship ótpek bolǵan, sol sátte olardy 333 nómirli BMV H5 avtokóligi soqty.
«Sveta avtokóliktiń kapotyna qulap, basyn qatty soǵyp aldy», - dep áńgimeledi kýágerler.
Jedel járdem dárigerleri qoıǵan aldyn ala dıagnozǵa sáıkes, qyz balanyń «basynyń oń jaq samaı bóligi jáne tirsegi jaraqattanǵan».
