Tanymal abaıtanýshy Qaıym Muqamedhanov shyǵarmalary jaryq kórdi
ASTANA. 27 qyrkúıek. QazAqparat - Taıaýda Almatyda belgili abaıtanýshy Qaıym Muqamedhanov shyǵarmalarynyń 10-shy kitaby jaryqqa shyqty. Atalǵan basylymda alǵash ret ǵalymnyń «Abaıdyń ádebı mektebi» atty dıssertatsııasyn qorǵaý kezindegi stenogrammasy jarııa etilgen.
Basylymda dıssertatsııa qorǵaý kezindegi barlyq protsedýralar, abaıtaný boıynsha pikirtalas materıaldary, sol kezderdegi gazet materıaldary men Abaı mektebine qarsy baǵyttalǵan Qazaq KSR ǴA Jarshysyndaǵy jarııalanymdar jaryq kórgen.
Óz ómirin, erkindigin, otbasynyń aman-esendigin qurban ete otyryp, ol NKVD men Qarlag lagerleriniń adam tózgisiz azaptaýlaryna kónip, Abaı mektebin saqtap qaldy.
Kitapty L.Gýmılev atyndaǵy Eýrazııa ulttyq ýnıversıtetiniń «Otyrar kitaphanasy» ǵylymı ortalyǵy ázirlegen jáne QR Mádenıet jáne aqparat mınıstrliginiń qoldaýymen «El shejire» baspasynan jaryq kórgen.
