Tanylmaǵan Soltústik Kıpr Túrik Respýblıkasynyń prezıdenti bolyp D.Eroǵly saılandy
ASTANA. Sáýirdiń 19-y. QazAqparat - Tanylmaǵan Soltústik Kıpr Túrik Respýblıkasynyń prezıdenti bolyp Derýish Eroǵly saılandy. Eldiń Ortalyq saılaý komıssııasynyń málimetteri boıynsha, Kıprdegi jaǵdaıdy retteý jónindegi kelissózde qatań jelini jaqtaýshy D.Eroǵly - saılaýshylardyń 50,38 paıyzynyń daýysyn aldy. Al onyń negizgi qarsylasy - eldiń qazirgi prezıdenti Mehmet Álı Talatqa saılaýshylardyń 42,85 paıyzy daýys berdi, dep habarlaıdy Associated Press.
Daýys berýdiń nátıjesi Kıprdiń túrik soltústigi men grekııalyq ońtústiginiń qosylýy jónindegi kelissózge aıtýly túzetýler engizýi yqtımal, deıdi sarapshylar.
Esterińizge sala keteıik, M.A.Talat eki eldiń qosylýyn qalasa, D.Eroǵly Kıprde ózara baılanysty, biraq egemen eki memlekettiń bolǵanyn qoldaıdy. 1974 jyly Kıprdi Grekııaǵa qosý maqsatynda grekter uıymdastyrǵan tóńkeristen keıin túrik áskeri araldyń soltústik bóligin basyp alǵaly beri, Kıpr aralynda eki bólek memleket ómir súrip keledi.
