Tankıster qurlyqtaǵy jáne sýdaǵy nysanany baǵyndyrdy - QR QM

ASTANA. 17 sáýir. QazAqparat - «Shyǵys» óńirlik qolbasshylyǵynyń Aıagóz polıgonynda tank brıgadasy bólimsheleriniń atys jattyǵýlary ótti. Bul týraly QR QM baspasóz qyzmetinen habarlandy.

«T-72 tankisinen oqý núktelerindegi arnaıy qoıylǵan nysanalarǵa oq jaýdyryldy. Tankıster tankidegi qarý-jaraqtyń urysqa ázirligin jáne ekıpajdyń sý bógetterinen ótý máselelerin pysyqtady. Brondy mashınalardyń júrgizýshileri kórý qashyqtyǵynyń shekteýligine baılanysty qurlyqtaǵy jáne sýdaǵy kúrdeli bógetterden júrýdi júzege asyrdy.Tankısterdiń aldynda shartty túrdegi jaýdy joıý jónindegi tapsyrma turdy. Ony oryndaý úshin áskerı qyzmetshilerge kúrdeli kedergiler jasaldy. Olar kúndiz jáne tún mezgilinde kúrdeli jattyǵýlardy oryndap tájirıbelerin shyńdady», - delingen mınıstrlik málimetinde.

«Sarbazdar men ofıtserler jaýyngerlik tapsyrmany oryndaý barysynda mol tájirıbe jınaqtap, sheberlikterin arttyrdy. Olardyń barlyǵy tapsyrmany úzdik baǵaǵa oryndady»,- dep atap ótti brıgada komandıri podpolkovnık Turdaly Turǵynbaev.

Kúrdeli synaqtan súrinbeı ótip, barlyq normatıvterdi úzdik tapsyrǵan ekıpaj komandırleri men júrgizýshi-mehanıkter «Shyǵys» óńirlik qolbasshysynyń gramotasymen marapattaldy.