Tank jáne ınjenerlik-saperlik rota komandırleri biliktilikterin arttyrýda

ASTANA. QazAqparat - Qurlyq áskerleri Áskerı ınstıtýty oqý-jattyǵý ortalyǵynyń bazasynda tanki jáne ınjenerlik-saperlik rotalardyń komandırlerimen «Taktık» biliktilikti arttyrý kýrsy ótip jatyr, dep habarlaıdy QazAqparat QR Qorǵanys mınıstrligine silteme jasap. 

«Kýrs jaýyngerlik arnalymǵa sáıkes senip tapsyrylǵan bólimshelerdiń qoldanýdy uıymdastyrýǵa múmkindik beretin jańa bilim ıgerý jáne sheberlikti shyńdaý, urysty júrgizýdiń zamanaýı jaǵdaıynda olardyń jaýyngerlik múmkindikterin sheber paıdalaný maqsatynda ótkiziledi», - delingen habarlamada.

Kýrstyń ótkizilýi barysynda oqyp-úırenýshiler 11 pándi zerdeleıdi. Kýrsty ótkizýge barlyǵy 226 oqý saǵaty bólingen. Onyń ishinde, teorııalyq sabaqtarǵa 53 saǵat, praktıkalyq sabaqtarǵa 173 saǵat bólindi. Oqý sabaqtaryn ótkizý úshin praktıkalyq áskerı tájirıbesi bar ınstıtýttyń komandalyq jáne oqytýshylar quramynan anaǵurlym daıyndalǵan mamandar tartyldy.

Oqý aıaqtalysymen negizgi oqytý pánderi boıynsha baǵdarlama kóleminde keshendi emtıhan ótkiziledi. Osy baǵdarlamany meńgerý nátıjesinde ofıtserler laýazymdyq arnalymǵa sáıkes fýnktsıonaldyq mindetterin sheber ári senimdi oryndaý úshin ózderiniń kásibı daıyndyqtaryn arttyrady. Kýrs aıaqtalǵan soń «Taktık» kýrsynyń baǵdarlamasyn meńgergen ofıtserlerge sertıfıkattar beriledi.